بیر نیسگیل لی خاطیره 1
21آذر بهانه سینه ،آتام دان بیر خاطیره ؛
بیرینجی بولوم :
سحرين يئلي ساري تئللي سونبوللره سئغال چكمكدير . هر طرفه ييرقالانان چانقيل داشي كيمي سونبوللر، سانكي يئل قوشونونون دوشونده سورگون آپاريلير . آتاملا بيرليكده «تارلا»نين بير يانيندا دوروب ايلاهينين بيزلره اسيرگه مه ين بو باغيشينا گوز تيكيريك . ايستي دوشمزدن اونجه بو سونبوللري ، بيچمه لييك آخي بيچيلمسه يايين ايستي سينين دوشونده «وغه نه ييب» داها بيچيم اوچون ال وئرمز . آتامين گوزلرينده بير سئوينج واركي بورا قدر هله گورمه ميشم . بير سس مني اوزومه گتيردي : « اوغول نييه دوروبسان ايندي گون چيخار ها ! اوراغي گوتور ! آلله ، محمد ياعلي سويله ، سونرا بيچمه يه باشلا » آتام بو سوزلري پاپاغينين داليسين قالديراركن سويله دي . او گون بيرنئچه قوهوملاردان دا يارديم اوچون گلميشديلر . يا آلله دئييب بيچماغا باشلاديق. هله گون آناسينين قوينونا گئتمه ميش ، زميني بيچيب دسته دسته باغلاميشديق . من باغلاديغيم « بافا »لاري آتام دريز باغلاييردي . يورقونلوغونا باخماياركن هردن ده منيم اوزومه گولومسه ييردي . منده اوزومده غورور دويوردوم منه ائله گليرديكي ؛ دييه سن منده آرتيخ كيشي اولموشام آخي بو ايل بيرينجي ايلديركي من اوراق اليمه آلميشام آخي منيم اون بئش ياشيم وار . كند يئرينده مندن چوخ آشاغي ياشي اولان اوشاقلار، زمي بيچمه يي باشاريرلار آنجاق من آتا آنامين بيردنه سي اولدوغوم اوچون بورا جان منه بو ايذني ويرمه ميشديلر . يئددي ياشيما قدر گنجه شهرينده اركووون اركووون ياشاييب سونرا 1317 گونش ايلينده آتابابا يوردو ؛ اولو قره داغا گليب ، سگگيز ايلديركي اهرين ياخينليغيندا اولان «ارپيزان» كنديده ياشاييرام . اينديده گونش ايلي 1325 دير . بو بيرينجي ايلديركي كندلي لر اوزلري يئر مالكي اولوب داها اربابا بهره وئرمييه جكلر . فيرقه حوكومتي بوتون اربابلارين يئرلرين كندليلر آراسيندا بولوبدور . داها دوغروسو نئچه ايلردن بري اوز يئرلرينه صاحاب چيخيبلار . داها ظاليم اربابدان بير خبر يوخدور نئجه دييرلر : « قورخوسوندان سيچان دليگين ساتين آليب » و جانين قورتاريب .دريزلري خرمنده «وَل » ايله دؤيوب ، آرپا بوغداني تالا تالا ييغديق . هر ايل بو چاغدا ، اربابين موباشيري گليب حاصيلين بئش دن ایکی حيصّه سين اربابا آپاراردي . اما شوكورلر اولسون كي بو ايل ارباب ايتگين گئديب و اونون اؤزوندن بتر موباشيري ده ائويندن ائشي یه چيخابيلمير . گرچي هامي سئوينه رك شادليق ائدير ، آمما آتامين گوزلرينده هردن بير نيگرانليق گورسنير . يازيق كيشي ائله بيل بيليركي بوشادليقين داوامي اولموياجاق . بير آدام كي ايكي يول آيريميندا قالار هئچ بيلمز نه ايله سين ، اونلارا بنزه يير . ياواشجا مني سسله ييب دئدي : اوغول بو اربابلار بيزيم باشيميزا چوخ بلالر گتيريب لر احتياط اوچون اولماليدا اولسا ، گئت موباشيره ديگينن : آتام اربابين حاققين آييريب ، گل آپار . سن گلينجه منده اونون پايين آييراجاغام . گئتديم موباشيرين قاپيسين چالديم هاچاندان هاچانا قاپينين جيريغيندان بويلاييب سسلندي ؛ " نه دئيرسن گئده ! " ديديم : ايب ...بئی ( بیگ) ، آتام دئيير گلسين اربابين پايين آپارسين . ايله بيركي جين گوردي ! باشلادي اربابي يامانلاماغا : " ارباب اؤلدؤ ! ارباب هانكي ايت دي ! من اربابين هئچ بير زادي دئييلم . تئز بوردان چيخ گئت ". ائله بيل همان آدام دئييل كي صانديق تولاسي تك اربابين دالينجا گزردي . قاييديب اولاجاغي آتاما سويله ديم . اوچ گون بو «تاخيل» لار خيرمنده قالدي . اوچونجو گونو آتام هاميسين بير بيرينه قاتاركن اوجادان سسلندي : " نه ائده ك ؛ ارباب بير زاماندا قاييتسادا ، ينی دن آييريب پايين وئره ريك ."
بويازيق كندلي لرين ، بير عومور ظولم آلتيندا قالان بو سئوينجلري چوخ آز داوام ائتدي . ظاليم شاهين قوشونو، 21 آذر 1325ده ، سئچگي (انتخابات ) بهانه سيله ، اوز اربابي امريكانين دستوريله بير طرفدن ، ديگر طرفدن گؤرباگؤر استالينين شومال نفتينه ال تاپماق وعده سي اساسيندا دونيا بوتون سوسوب ، آذربايجان ميللتينی آياقلاديلار . داها دوغروسو نئجه دييرلر:« شادليق مجليسي عزايه دوندو» . ارباب و اونون صانديق تولالاري يئنه ده بو مظلوملاري ، زلي لر تك سورماغا باشلاديلار . اوگونون صاباحي آتامي بير نئچه نفر ايله توتوب زيندانا باسديلر . بئله قراره گليب لركي سحرينه ، آتام گيلي آپاريب اهرين آغ مچيدينين قاباغيندا اولدورسونلر . بو قرار ، كندين بئيي؛ ح ... بئيين دستوري اولوب . آمما بير جان كي ايلاهيدن اوزولمسه اوزولمز . او آدام كي آتام گيلين قتلينه فرمان ويرميشدي آخشاما بير آز قالان ساغ و ساغلام اولاراق اؤلدو . رحمتليك با ... خان حوكم ائتدي آتام گيلي بوراخديلار و بئله ليكله بو شر باشدان اولدو . او گونو (21آذر) اهرده نئچه يوز لر آدامي دَينك و بالتا ايله دوغرام دوغرام ائديب اونلاري بير آت داشقاسينا يئغيب ، اوْلو ديري اولماق لارينا باخميياراق اهرين حاجي معين مزارليغيندا بير چالا قازيب باسديرديلار . اگر ايسته يم اوگونون جينايتين يازام ، اوز داستانيميزدان اوزاغا دوشريك . من و آنام بو سببدن كي آتامي اولدورمه ديلر ، آللاهيمزا شوكورلر ائتديك . آمما بير آيري گونوقاراليق قاباقدايميش او گونون سحري ارباب سولطان محمد فاتح كيمي كنده گئري قاييتدي يئنه ده اسكي حامام اسكي تاس ! …
قره داغ سرزمين رازها و رمز هاست . اين بهشت گمشدة دل انگيز ، شايد از معدود سرزمين هايي است كه در جهان يافت مي شود . سرزميني رويايي ، سر سبز و خرم از جنگل هاي زيبا و دياري با وقار كه غرور و استقامتش ، برگرفته از كوه هاي سر به فلك كشيده و مردمان غيور و با فرهنگ آن است . نويسندة فقيد آذربايجان ، مرحوم آقاي صمد سرداري نيا از قول دكتر محمد تقي سياهپوش دركتاب سيري در تاريخ آذربايجان ، مي نويسد : « اين احتمال قويا وجود دارد كه كشت و زرع گندم در شبه جزيره قره داغ به عنوان ستون فقرات كشاورزي مربوط به يك زمان بسيار باستاني است » .وجود كتيبه هاي باستاني ، تصاوير منقوش در منطقه « قوشا داش » سونگون بر روي سنگ ها و دخمه هاي سنگي در قالب صورت حيوانات و انسان ، سنگهاي منقوش و چند هزار سالة روستاي « آس » در حومة اهر ، نقش و نقر پيدا شده در ليقلان ( علي آباد چاي ، زيللي دره و گوورداغي ) ، قهقهه و ... ، پيدايش جامعه و تمدن در « قره داغ » را به چند هزار سال قبل از ميلاد مربوط مي كند و اين يافته ها نشانگر وجود تمدن اوليه انسان در قره داغ است . اين وبلاگ جهت معرفي اين بهشت پر رمز و راز پايه گذاري شده است . اينجانب با وسع و توان علمي ناچيز هميشه منتظر نظرات انتقادي و علمي هستم و مدعي نيز نيستم تمام نوشته هاي من بدون اشتباه و بدون غلط است همه اشتباه مي كنند غير از ذات حق تعالي . « از غلط بيرون نباشد هيچ خط / خط تقدير است بيرون از غلط .